| LEO KU IN CONCERT
THE MAGIC MOMENTS LIVE 2007
古巨基演唱會2007 
2007/09/07 08:15 PM (FRI) HKD $400.0
BLUE SECTION: 55 ROW: 10 SEAT: 84,85 
黎得太快喇......
由 3 / 7 定飛打電話打到手指都斷,9點正打到10點
到 18 / 8 咕雞大壽同考完Acct超Hyper既第2日收到飛,唔多滿意既第10行
再到 7 / 9 正式開SHOW
我真係覺得黎得太快喇! ! ! ! ! !
唔係唔期待,而係我身心都未ready好去迎接佢既來臨,我要俾最好既野佢
我唔容許自己當日有任何準備得唔完善既地方
但turn out有不少=□=
我都話我真係未好架喇! ! ! 茄5:20PM放學,我預6:00食飯,但我5:15先沖涼,45min係1定係唔夠用架
沖沖下涼先發覺尋晚醒起但又冇即刻做最後唔記得左拎部相機去叉電
睇咕雞演唱會而唔記得拎部相機去叉電,此FANS應該拎去燒死
急急忙忙1出沖涼房就走去叉電
跟住換衫,件衫第1次著個衫,事前都知件衫前面裝飾個2粒大鈕釘得好鬆,但1值懶得釘返好
點知1著就跌左出黎,我已經趕時間,仲搞埋D咁既野,跟住極速缝返佢(呢單野仲有後聞)
我尋日仲要係dayoff,咁大件都準備得唔好,真係好應該拎去燒死 同茄去食星加坡餐廳,之前同媽咪食過1次,覺得味道同價錢都唔錯,坐得又舒服,所以今次同茄去
叫左半打沙爹雞,蝦餅,薄餅同芝士焗青口配薯蓉(our favourite *v*) (click to enlarge the photoz)    
跟住行去旺角火車站搭車,好醒地我1野就落左去羅湖方向,茄又唔為意,咁我地就搭左去九龍塘喇
睇下我地幾愛City,睇演唱會前都要返去1轉
好彩我預鬆左D時間,雖然明知唔會準時8點3開仲要例遲半個鐘因為觀眾都未到齊
但我都唔想趕頭趕命
去到紅館,大家都係愛咕雞既人,有大把人共鳴,太高興了 ＞▽＜
 
今次第10行都OK前,可能冇咩字母行
之前收到飛既時候最worry,真係好worry既就係上次《勁歌金曲》我坐第10行,第58段
係好好好運地對正隊band,成晚不停望住Mark雷,仲有幾支好長既收音咪阻住晒
上次握手個時佢四面正面台,3面斜面台都握晒,唯獨我個面斜面前面有隊band,真係識輕功都跳唔過去
所以知道今次又係5x段,真係......=□= 知道1定唔係上次個食屎位,但係總覺得個位唔夠「正中」
(不如坐上台好冇?......最好≧▽≦)
今次個個位冇左隊band,以為遲D先升上黎,點知真係冇band 奇蹟就這樣發生了! ! ! ! ! 個隊band o個個位用左黎做musical o個part既主舞台
基本上成個musical o個part(都好長下,成34首歌),基仔都係我個邊,好近好近,仲唔咩仇都報晒
口華口卡口卡口卡口卡口卡............ ＞▽＜
同埋感覺上成晚有好多位佢都係我個邊唱,口卡口卡口卡............ ＞▽＜ 唱《追》同《愛回家》時真係好Touching 丌▽丌
基仔問我地日日生活形形役役,返工放工係為物?
我地係答「錢‧錢‧錢‧錢」 XDDD,佢話你地感性D喇
佢話係為左我地身邊愛既人,Daddy,Mami,老公,老婆,男/女朋友......
基仔係唱《愛回家》既時候喊,喊到唱唔到,我地就幫佢唱
呢幾個月黎,基仔忙大碟,忙演唱會,好大壓力,已經有個幾月冇見過佢Daddy,Mami,佢真係好掛住佢地 好好好好好希望今晚可以聽到新碟《Moments》入面既歌,musical入面有《我自問》
Encore部分真係好正! ! ! ! ! !
有《錢錢錢錢》,好令人期待既周慧敏做嘉賓,合唱《愛得大遲》,然後Vivian獨唱了《流言》
Vivian真係幾時都好靚,最重要係佢好錫基仔,基仔亦好鐘意佢,大家都當對方係家人
當基仔對住Vivian就會變返1個大細路,好似細佬爹家姐咁,個樣好SWEET ≧▽≦
仲有我1憶個期待既《Moments》點題作《1刻永恆》! ! ! ! ! ! ≧▽≦
1首好meaningful既歌
任何事情都會過去,我地雖然捉唔住,但美好既回憶會銘記於心
事情既發生可能只係1刻,但回憶卻是永恆
「回憶可珍藏當冠冕」 聽到我好想聽LIVE既《重覆犯錯》,《漂流教室》同《愛變了世界襯衣》
舊歌《來年來日》同《愛與夢飛行》亦係心頭好
基本上佢所有歌都係我心頭好,口華口卡口卡口卡 ≧▽≦ 坐第10行雖然唔遠但真係冇咩機會握到手
同埋就算握到手,都只係蜻蜒點水掂1下
吳Tama唔甘心掂1下,上次吳Tama同咕雞握手係HOLD實了幾秒架! ! ! 仲歷歷在目中 ≧▽≦
所以我決定唔係演唱會到唔明智地同人迫
我決定將全副精力放係係出邊停地車場等佢走個時握 口卡! 好戲在後頭!
11:45完場,茄想去toilet,我十分贊成,因為可以dum下時間等咕雞走時出黎握手
茄去完toilet,經過賣紀念品個到再睇下有咩紀念品,起初以為淨係得T同Cap帽,但$240各1太貴了,吳Tama冇$買,點知原來有Poster同相,D相係《Moments》旅程中係各地攝影師同影基仔既相,全部1億個讚!
Poster$20買左2張,相$60/套只係買了1套,唉,勁後悔只係買左1套,今晚會去再買
茄幫我排隊買紀念品
我就跑去睇係D Fans係邊到等緊基仔出 1去到黃閘停車場,有5行人,如常
我諗上次《勁歌今曲》我握到手個次佢係係右邊握起
咁所以我就跑到最左邊
原因係要攝入人群,由第5行人迫到上第1,2行握到手既位置係需要時間
因為唔知佢幾時出黎,如果佢係由右邊慢慢向左握起,咁佢行到過黎,我己經迫到上去,此仍我上次既策略
經過上次既經驗,我1跑到左面就慢慢咁迫迫迫同攝攝攝,要慢係因為唔好俾人覺得你推緊佢(雖然事實上係XD),只你自然既人流流動者XD
好快我就攝左上第2,3行到,跟住1企定,隔離有pair女仔決定走唔等,我1攝,就攝左上第1行,登登登登!
唔駛5分鐘就由最後排攝左上第1行,心暗喜喜喜喜喜,今次實冇死,卡卡卡!＞▽＜
跟住茄打黎話佢買完要走先,個時都成12點,快冇車了,想俾返D野我,但我出唔到亦唔願走出人群,咁佢就幫我帶返屋企 起初因為真係驚佢隨時都會出黎,所以水又唔敢飲,咩都唔敢做,怕到時收唔切
50人迫埋1齊真係幾係野,好似焗桑拿,焗返頭先D芝士呀薯蓉D卡路里出黎
偶有紅館吹出黎既冷氣,簡直好似跳左入清泉1樣,但只係"偶有"
如事者,我就望住後台個出囗等呀等,等呀等,等呀等,唔知點解等極都仲未出
(上次握到手係真係好偶然,根本冇諗住等,因為冇經驗,唔知道要等幾耐,點等呀,個時只係停低趁下熱鬧,但佢個次勁快就出黎,我只係企左1陣,就聽到D人叫話基仔出黎喇,於是我就迫迫迫上去)
唔知等左幾耐,因為除低左隻錶,亦冇睇幾時開始等
我亦開始等到敢拎水出黎,甚至打SMS
但係o個個地步,大家都等左咁耐,聽到D人講係走都唔係而家走喇,I TOTALLY AGREE WITH U!
個時我心入面係到諗Human根本唔係Rational, 人冇可能能夠當Sunk Cost係Sunk XD
我阿媽終於打黎追魂喇,點知同佢講左2句話同賤茄等緊車,基仔就出黎喇! ! ! ! ! 我cup都唔cup唔切電話 佢1出黎就行左係我面前,講左幾句野,話多謝我地,detail我記唔到呀
因為個時我諗緊辦法點伸長我隻手
雖然我企第1行,但我前面有1個鐵馬,隔左1米空位再有另1個鐵馬,基仔先係個個鐵馬後面
就算企第1行但隻手都只係伸到過去2/3,不過,好在基仔手長＞▽＜
佢講完幾句野就開始握手,佢個樣真係好支力(佢rehersal到朝早6點),連隻手都冇力,陰公仔,心痛死
佢由最左握起,見到佢只係伸直隻手掌同人碰手,都冇咩力真係握
當佢握緊我左邊D人既時候,吳Tama係側邊不停咁伸手去摸,摸左好幾下 XD
當吳Tama同基仔相遇時(基仔行到我前面)
吳Tama將自己隻手"套"左入基仔溫暖既大手入面,然後基仔就握實了≧▽≦(暈了)
真係「1刻永恆」＞▽＜
跟住基仔要移動了,最後吳Tama捉住佢2隻手指捉左1陣,係再唔放食蕉先生就要出動個隻
握完手既感覺係基仔隻手好好好好好滑滑滑滑滑呀! ! ! ! ! ! (上次握係覺得佢隻手好林≧▽≦)
我隔離左面個個女仔都同佢個frd咁講 等緊個時我有諗過同基仔講D咩好,有諗過叫佢加油,但最後都諗唔到有咩好句
我右面個個女仔係基仔行到好遠握手既時候大叫左「基仔你唱得好好呀!」
雖然好遠但佢都聽到有望返過黎講多謝
就係太愛佢咁好人了
因為俾我阿媽催幾時返而挫1挫我銳氣,搞到我最終冇睇住基仔上車我就走了 最後要好多謝陪我渡過左1晚Magic Moments既身邊１位好重要耐人＞3＜
呢篇打左歴時成個Concert咁耐
如果你成篇睇晒,吳Tama獻上萬二分感激 丌▽丌
睇完咕雞,要努力讀書了! ! ! ! ! !
|
